مـش حـدوته هـاحكيـها ... تسمعها وتعـجب بيها
دي حكاية الحب اللي ملا حياتي يشبعها ويرويها
أنـا كنت باعيش أيامي .. باهرب منها لأوهامي
وبـحـاول أدور جـوايـا علـى حلـم مـن أحـلامـي
كنت كتير باسأل نفسي أنا عايشة لمين و ليه؟؟
عمـري مـالقـيـت محـبة ولا أمـل أعيــش عليــه
دورت على سعـادتي في كل سـكة وطـريق
مـالقتـش غـير الخـطـيـة والشـيطـان رفيــق
مـسـكينة كنت فـاكرة إني في طـريق الخطـية
راح ألاقي فرح قلبي واللي بتحلـم بيـه عينـيّ
لكن حـتى الخـطــية ،، حبـتـها ماحبتـنــيـش
غـيـر التـوهـان والخـوف والأحـزان مـادتنـيـش
وفي يوم وانـا ماشــية خايـفة بتـدارى من العيون
عـطـشــانـة لمـية جـاريـة وبـافـكر فـيـــن تـكــون
كـان قــاعد مســتنيـني ع البيــر هنــاك يســوع
جـايلي مـخـصـوص ونفـسـه يـروينـي م الينــبوع
قـلــبه وحـبه العـجـيـب مـاقـدرش أقــول عليــه
وكلامه اللي لمـس قلبي ماعرفش عمل له ايه
بدلنـي بانسـان تـاني .. مـش خــايف ولا قـلقــان
بيـنــادي النــاس ويبــشـر بمـخـلـص كـلـه حـنـان
مابقـتـش محـتـاجة أشـرب من ميـة مابتـرويـش
ولا أحمــل جــرة تـقيــلة مليــانة ومـاتـكفّــيــش
أنا لمــا يســوع نــاداني سـبت الجـرة وتبـعــته
وانتــم ايــه ســبتـوا لمــا سمـاكم ابنــه وبنــته
(بقلم د. عايده ماهر)
الأحد مارس 16, 2014 5:40 pm