صــــلاة رائعه لقداسة البابا شنوده

زائر

صــــلاة رائعه لقداسة البابا شنوده
--------------
يارب أديني المحبة اللي أقعد بيها معاك ... يارب متحرمنيش من الكلمة الكويسة معاك ...
أفتح يارب قلبي علشان يصلي ... إديني روحك القدوس علشان أصلي ...
أنا يارب معرفش أصلي ... إديني أنت ، علمني أنت ، زي مالتلاميذ قالولك علمنا أن نصلي ...
خلي روحك القدوس يتكلم علي فمي ... خلي روحك يحرك قلبي ...
خلي نعمتك تشعلني ... إديني حرارة من عندك يارب، إديني رغبة
إديني حب ، إديني كلام ، إديني سلام ، إديني قعدة حلوة معاك
إديني خلوة معاك ، يارب دخلني في تجربة و أختبار الصلاة ، وإزاي امارسها روحيا
يارب هرفع قلبي باستمرار ،يارب إديني أن أصلي من أجل كل الناس ومن أجل مشاكلهم
ومن أجل أمراضهم ومن أجل ضعفاتهم
إديني يارب أن أصلي من أجل المسئين إليا ، وأصلي من أجل الأشخاص اللي بدينهم في قلبي وفكري ولساني
واللي بتكلم عليهم بالشر وبجيب سيرتهم دايما
يارب أعطيني قوة اخدهم في موضع صلاتي واقولك إحفظ هؤلاء الاشخاص
وخلصهم وأعطيني نعمة في أعينهم ، يارب ماتخليش قلبي يتغير من ناحيتهم
يارب ماتخليش الحقد ولا العداوة ولا الخصومة في قلبي من ناحيتهم ، يارب صفي قلبي وقلبهم
يارب حنن قلبي عليهم وحنن قلبهم عليا
يارب الكتاب بيقول : صلاة الأشرار مكرهه للرب ، أنا عايز أصلي إليك من قلب نقي من قلب تائب
علشان تبقي صلواتي مقبوله امامك ، يا رب أنا بأعترف أمامك إن عندي العيب ده
ومعتمد عليك تشيله مني لأني مش قادر أشيله بنفسي
يارب انا معتمد عليك وبيك وعايزك تخلصني منه ، يارب عايزك تخلصني من الخطية الفلانية دي
مش عايز أسيبك في الصلاة دي من غير لما أخد منك معونة عليها
انا يارب همسك فيك ولا اتركك لغاية ماتخلصني من الخطية دي
يارب ارحم ضعفي ارحم عجزي
انا مش قادر إديني قوة من عندك
يا إلهي وربي مليش غيرك يحن عليا

زائر

يارب ارحم ضعفي ارحم عجزي
انا مش قادر إديني قوة من عندك
يا إلهي وربي مليش غيرك يحن عليا

امين

صلاة جميلة

شكرا

يارب ارحم ضعفي ارحم عجزي
انا مش قادر إديني قوة من عندك
يا إلهي وربي مليش غيرك يحن عليا

امين

صلاة جميلة

» نبذه عن البابا شنوده
» اليوم تذكار نياحة قداسة البابا شنوده الثالث
» صور واقوال لقداسة البابا شنودة
» صور حلوة لقداسة البابا شنودة
» قداسة البابا تواضروس الثاني